بەرێوەچوونی جێژنی ٢٥ی گەلاوێژ لە وڵاتی نۆروێژ

 

 

ناوەندی هەواڵ- نۆروێژ: ٧١ ساڵەی دامەزرانی حیزبی دێموکراتی کوردستان لە وڵاتی نۆروێژ بەرزراگیرا.ئێوارەی ڕۆژی شەممە، رێکەوتی ٢٠ی ئاگوستی ٢٠١٦ی زایینی، کۆمیتەی حیزبی دێموکراتی کوردستان لە وڵاتی نۆروێژ بە هاوکاری یەکیتیەکانی ژنان، لاوانی دێموکرات و کۆمەلەی کولتووری ٧١مین ساڵرۆژی دامەزرانی حیزبی دێموکراتی کوردستانیان جیژن گرت.سەرەتای رێورەسمەکە بە سروودی نەتەوایەتی " ئەی رەقیب" کە لە لایەن کۆری سروودی یەکێتی لاوان پێشکەش کرا وخولەکێک بێدەنگی بۆ رێزگرتن لە رووحی پاکی شەهیدانی کوردوکوردستان دەستی پێکرد. پاشان لە لایەن بەرێزان رۆژە عەزیزی و سۆران شێرزاد وەک بەرێوەبەری بەرنامە بە چەندین شێعری شۆرشگێری بەرنامەکە زیاتر رازایەوە.دواتر پەیامی کۆمیتەی نۆرویژی حیزبی دێموکراتی کوردستان لە لایەن بەرێز رزگار حەبیبزادە، بەرپرسی کۆمیتە پێشکەش کرا کە تێیدا وێرای پیرۆزبایی دامەزرانی حیزبی دێموکراتی کوردستان، ئاماژەی بە شێوەی دامەزراندنی حیزب و رۆڵ و هەوڵی پێشەوای نەمر قازی محەممەدی کرد و کوتی: " لە دایک بوونی حیزبی دێموکرات بە بەرنامەیەکی سیاسی نۆی و مودێرن، نوختە گۆرانێکی گرینگ بوولە خەباتی رزگاریخوازی خەڵکی کوردستان بە گشتی و گەلی کورد لە رۆژهەڵاتی کوردستان بە تایبەتی. حیزبی دێموکرات یەکەم حیزبی کوردستانییە بە گشتی و رۆژهەڵاتی کوردستان بە تایبەتی کە داخوازە رەواکانی خەڵکی کوردی لەم بەشەی کوردستان لە چوارچێوەی بەرنامەیەکی سیاسی نۆی، لە لایەک پێشکەش بە خەڵکی کوردستان کرد و لە لایەکی دیکە سەرنج و بیرورای دەسەڵاتدارانی حاکم بە سەر ئێرانی دا راکێشا بۆ چارە سەری."لە بەشێکی دیکەی پەیامی کۆمیتەی حیزب لە نۆروێژ هاتبوو زۆر نموونه‌ و بەڵگە دەریدەخەن کە حیزبی دێموکرات له‌ مێژووی هاوچه‌رخی بزووتنه‌وه‌ی خه‌ڵکی کوردستان جێگه‌و پێگه‌ی تایبه‌تیی خۆی هه‌یه‌و زۆر جیواز ده‌رکه‌وتووه‌. ئەم حیزبه‌ له‌ ماوه‌یه‌کی زۆر که‌م دا حکومه‌تێکی خۆماڵی(کۆماری کوردستان)ی ڕاگه‌یاند، ئیداره‌ی کوردستانی له‌و به‌شه‌ی کوردستان به‌ هۆی ده‌زگاو دامەزراوەی ده‌وڵه‌تی بەڕێوه‌برد. هه‌ر چه‌ند له‌ هه‌ر بوارێکه‌وه‌ سه‌یری بکه‌ین له‌ کادری شاره‌زا و ئیمکاناتی حکومه‌تداری دا زۆرکه‌مایه‌سی هه‌بوو، به‌ڵام لە‌ ماوه‌ی که‌متر له‌ یه‌ک ساڵ‌دا، نموونه‌یه‌کی سه‌رکه‌وتووی جوانی له‌ خۆی نیشان دا. له‌و ماوه‌ که‌مه‌دا خه‌ریکی فه‌رهه‌نگ‌سازی و په‌ره‌پێدان به‌ کلتووری ڕەسەن و باش بوو. ده‌زگای نیشتمانی جۆراوجۆری وه‌ک سوپای میللی کوردستان(هێزی پێشمه‌رگه‌)ی دروست کرد، ئاڵای کوردستانی هه‌ڵکرد و چه‌ندین دامه‌زراوه‌ی کۆمه‌ڵایه‌تی و په‌روه‌رده‌یی بنیان نا.حیزبی دێموکرات له‌ به‌شداری کوردانی نیشتمانپه‌روه‌ر و به‌توانا بۆ خزمه‌ت کردن به‌ کۆماری کوردستان جوانترین نموونه‌ی خستۆتەڕوو. کوردانی باشوور به‌ ڕێبه‌ری خوالێخۆشبوو مه‌لا مسته‌فا بارزانی به‌شداری چالاکانه‌یان پێ کرا، به‌ ده‌یان شاره‌زا له‌ بواری فه‌رهه‌نگ و نیزامی ته‌نانه‌ت له‌ شوێنه‌کانی دیکه‌ش‌ڕا به‌شدار کراون. هه‌ر ئه‌وه‌ وایکردوه‌ مه‌رحووم مه‌لا مسته‌فا بارزانی له‌ سه‌ر نموونەی حیزبی دێموکراتی کوردستان، پارتی دێموکراتی کوردستان له‌ باشووری کوردستان دامه‌زرێنێ و ده‌زانین ئه‌و حیزبه‌ له‌ درێژه‌ی جووڵانه‌وه‌ی رزگاریخوازیی کوردستان‌دا چۆن تێکۆشاوه‌ و ئێستا چ نه‌خش و ده‌ورێکی له‌ کوردستان به‌گشتی و له‌ باشووری کوردستان به‌تایبه‌تی‌دا هه‌یه‌. " بەرێز حەبیبزادە لە درێژەی پەیامەکەیدا کوتی، فه‌رهه‌نگی پلۆرالیزم و نیزامی چه‌ندحیزبی له‌ ئێران و کوردستان، هه‌ر چه‌نده‌ بێ که‌موکوری نه‌بووه‌، به‌ڵام توانراوه‌ ئه‌و به‌ستێنه‌ دروست بکرێ که‌ حیزبه‌کان له‌ کوردستان به‌ یه‌که‌وه‌ به‌شداری خه‌بات بکه‌ن و جۆرێک ‌ هاوکاری‌یشیان به‌یه‌که‌وه‌ هه‌بێ. جیا له‌وه‌ چۆنیه‌تی په‌یوه‌ندیی به‌شه‌کانی کوردستان و جۆری خه‌بات و تێکۆشانی کورد له‌ هه‌موو به‌شه‌کان و چەشنێک هاوکاری و خه‌مخۆری بۆ یه‌کتری به‌بێ ئه‌وەی ده‌ست بخه‌نه‌ ناو کاروباری یه‌کتری لە ئارادا بووە.."کۆری هەڵپەرکێی یەکێتی لاوانی دێموکراتی رۆژهەڵاتی کوردستان بە چەند تابلۆی جوانی هەڵپەرکێی کوردەواری جێژنەکەیان رازاندەوە کە بوو بە جێگای سرنجی بەشداربوان.پەیامی هاوبەشی یەکیتیەکانی ژنان، لاوانی دێموکرات و کۆمەلەی کولتووری کوردی لە لایەن بەرێز نەمام زارینفام ئەندامی بەرێوەبەری یەکێتی ژنان خوێندرایەوە، بەرێزیان ئامژەی بەوە کرد کە، سیاسەتی دروست و ئوسوولی حیزبی دێموکراتی کوردستان نموونەیە ، پیوەندیە دیپڵۆماتیکەکانی لەگەل وڵاتانی دراوسێ نەتەنیا زیانی بۆ کوردی بەشەکانی دیکە نەبووە، بەڵکوو زۆریشی بەرژەوەندی پێ گەیاندوون و جێگای خۆیەتی دەرس لەو شێوەیە سیاسەت کردنە وەربگێرێ، ئەوەی ئێستا گرینگە ، یەکیەتی لاوان، ژنان و هەموو چین وتوژەکانی کۆمەڵگاما لە هەموو شێوەکانی خەبات بۆ خۆراگری لە بەرامبەر کۆماری ئێسلامی ئێران کەڵک وەردەگرن و خەڵکی رۆژهەلاتی کوردستان دڵنیا دەکەنەوە کە حیزبی دیموکراتی کوردستان بۆ گەیشتن بە ئاواتەکانی نەتەوایەتی کورد بە هاوکاری و پشتیوانی ئەم دوو رێکخراوە درێژە دەدا هەتا بوکی ئازادی لە باوەش نەگرێ وەستانی نابێ.بەرێز ئیحیا محەممەدی بە ژەنینی شمشاڵ بەشداری جێژنەکەی کرددوابڕگەی رێورەسمەکە تەرخان کرابوو بۆ گۆرانی و هەڵپەرکێ کە بە دەنگی هونەرمەندانی دەنگ خۆشی کۆری هوونەری کۆمیتەی حدک لە نۆروێژ کە بریتی بوون لە بەرێزان، حەسەن کۆساری، بێهروز لوتفی، کاروخمحەمەد دەروێش، سیروان عەبدووڵایی، رێباز خنکاڵی جێژنەکەیان زیاتر رازاندەوە و تا کاتژمێر ١٢ی شەو شایی و هەڵپەرکێی بەشداران درێژەی هەبوو.جێگای ئاماژەپێکردنە کە بۆ یەکەم جارە لە دەرەوەی وڵات کۆری هوونەری کە لە ئەندامانی حدک و یەکێتی لاوان پێک هاتووە دادەمەزرێ، هەر بەو بۆنەوە لە لایەن کۆمیتەی گشتی حیزبی دێموکراتی کوردستان لە نۆروێژ سپاس و پێزانینی خۆمان ئاراستەی هەموو ئەو بەرێزانە دەکەین بە تایبەت کۆری هوونەری کە لە جێژنی ٧١ ساڵەی حیزبەکەمان بە بێ بەرامبەر زەحمەتیان کێشا.

حیزبی دیموکراتی کوردستان، کومیتەی نۆروێژ